:::::::::Robotikarekin jolasean::::::::::

LEGO robot txikia. Hasierako orriarekin lotura

Sarrera

Robotak zerekin muntatu

LEGO MindStorms NXT

Mekanika

Egiturak
Transmisioak
Pneumatika

Elektrizitatea eta Elektronika

Programazioa

NXT-G Hezkuntza

RCX	Robolab NQC SpiritOCX RCXCode IC BrickOS leJOS

Marrazketa

Erreferentzia

Dokumentuak
Bibliografia
Loturak

Modeloak

Gure modeloak
Lehiaketak
Proposamenak

Idioma

Azken eguneratzea: 08/04/14

Programazio hizkuntzak: NQC

LEGOk Robotics Invention System merkaturatu zuenean, robotak egiteko hardware erakargarria jarri zuen guztion eskura, baina softwareak oso funtzio mugatuak eskaintzen zituen. Hau dela eta, hainbat jendek software berriak garatzeari ekin zion. Horien artean Dave Baum-ek garatutako NQC programazio hizkuntza dago. C-ren iturri-kode zaharrean oinarritu zen, LEGO robotak programatzeko hizkuntza hau garatzeko. Programa sofistikatuak garatzeko aukera ematen du. Ohiko kontrol egiturak, funtzioak, subrutinak eta aldagaiak erabiltzen ditu, eta roboten arteko komunikazioetarako behar den guztia ere eskaintzen du.

Bricx Command Center

Programen edizioa errazteko asmoz, Utrecht-eko Unibertsitateko Informatikako Departamentuan aplikazio bat sortu zuten: RCX Command Center. Edizioan lagungarria izateaz gain beste aukera batzuk ere eskaintzen zituen: robota ordenagailutik zuzenean kontrolatzeko panela (RCX Controller), musika editatzeko teklatua (RCX Piano), diagnostikoak egiteko aukera...

Ikasleekin RCX Command Center erabiltzeari utzi ziotenean, iturri kodea erabiltzaileen esku jarri zuten.

Hortik aurrera John Hansen-ek hartu du bere gain editore hau eguneratzeko eta hobetzeko erronka. Orain Bricx Command Center izena du. Eskura dagoen azken bertsioak USBn konektatzen den infragorrien dorrearekin lan egiteko baliagarria da.

Oharrak

2004ko hasieratik Dave Baum-ek utzi dio berrikuntzak egiteari eta hortik aurrera John Hansen-ek hartu du lekukoa.

NQC eta bere editoreak erabilpen librekoa dira eta Interneten eskura daitezke. BricxCCren kodea John Hansen-en orrian dago edonoren eskura. Windows, Macintosh eta Linux-en erabilgarria da.

Azken bertsioetan egindako lanari esker, Pascal, C eta C++ editorea bilakatu da.

Baliabideak

Jarraian aipatzen diren baliabide batzuk euskaraz edo gaztelaniaz daude. Aipamena egiten ez denean ingelesez daudela esan nahi du.

Softwarea:

NQCren azken bertsioa.
Dave Baum-en webgunea
Bricx Command Center: NQCren windows editorea.
MacNQC: Zurea Macintosh-a bada, hemen daukazu MacNQC.
NQCEdit: NQCren beste editore bat (Windows).
Brick's Music Studio: WAV edo MIDI fitxategiak NQC formatura pasatzeko aplikazioa

Liburuak:

"Dave Baum's Definitive Guide to LEGO Mindstorms (Technology In Action)" Dave Baum
"Extreme Mindstorms: a Definitive Guide to Lego Mindstorms" Dave Baum

Eskuliburuak:

NQC ikasteko biderik onena Mark Overmars-ek idatzitako eskuliburua da. Webgune honetan euskaraz aurki dezakezu dokumentuak atalean. Eskuliburu hau ez da berria, eta ez ditu jasotzen azken aldaketak, hala ere, hau da abiapuntua.
"Guía del programador de NQC": Hau NQCren 2.3r1 bertsioaren gida da. Gaztelaniaz duzu webgune honen dokumentuak atalean.

Beste lotura batzuk

"Programación de LEGO MindStorms bajo GNU/Linux". Hispalinux-en aurkezputako ponentzia honetan Linux sistemetan LEGO MindStorms programatzeko bia aukera deskribatzen ditu: NQC eta LegOS (Gaztelaniaz).