Teknologian proiektu bat garatzen denean berebiziko garrantzia du ideiak grafikoki irudikatzeko gai izatea. Internet-en LEGOren inguruan sortutako komunitatebitartez harremanetan jarritako talde batek LEGOz egindako proiektuak marrazteko tresnen berri ematen da:

Ldraw: programa honen bitartez LEGO eraikuntzak irudika daitezke CAD sistema baten bitartez. Bista diedrikoak eta isometrikoan oinarritutako lehioetan ikusiko dugu eraikuntza. Piezak aurrez eginak daude eta egin behar dena aukeratzea eta elkartzea baino ez da. CADeko oinarrizko hainbat erreminta eskaintzen ditu: mugitu, biratu, rejilak, bisten aukeraketa, eta abar. Sortzen dituen artxiboak oso neurri txikikoak dira, objektuen erreferentziak erabiltzen dituelako. Instrukzioak sortarazteko baliagarria da, urratsak bmp formatoan esportatzeko aukera ematen baitu (ikus beheko ezkerreko irudia). Gainera, dohanekoa da. Komeni da honekin batera MLCAD instalatzea. LDraw webgunearen zati bat (instalazio instrukzioak eta beste zerbait gehiago ere gaztelaniaz dago).

MLCAD: ldraw programa DOSen oinarritzen da. Programa honi esker, ldraw windows ingurunean erabili ahal izango duzu ohiko leihoekin. Azken bertsioa 1.99R1 da, eta aurrekoekiko hainbat hobekuntza eskaintzen du. Gidaliburu bat dago gaztelaniaz eta frantsesez.

L3P: utilitate honen bitartez Ldraw programaz egindakoa PovRay programaz renderizatzeko egoki daiteke, *.pov artxibo bat sortuz. 

PovRay: Programa honi esker, Ldraw programaz egindakoari egindakoari itxura erreala eman ahal izango diogu (ikus eskubiko marrazkia). Ondorengo irudietan RCX-a ikus daiteke. Lehenengoa Ldraw-en ikusten den modukoa da, eta bigarrena PovRay-en bitartez errenderizatu ondoren.

LPub: Hala ere, instrukzio liburu bat egin nahi dugunean aurreko biak banaka erabiltzea luzea izaten da. Eman beharreko urratsak automatizatzeko LPub dago.

LeoCAD: Hau da Internet-en aurki daitekeen beste aplikazio bat. MLCAD-ez egindako modeloekin konpatiblea da. Nik behintzat, MLCAD nahiago dut.

Marraztutako modeloak ikusteko beste utilitate batzuk daude. Besteak beste L3Lab eta LDView. L3Lab DAT /MPD fitxategien bisorea da, eta egindako lanak modu azkarrean ikusteko aukera ematen du. Aurrez definitutako 15 bista. Saguaz objektua ikusteko angelua aukera dezakegu (oso era azkarrean).

Aurreko hauek guztiak dohanekoak dira. Beste bat ere badago, baina komertziala:  

LEGO CAD: programa hau LEGO enpresak eginikoa da.

Softwarea:

• Abiapunturik onena LDraw.org webgunea da: softwarea, instalaziorako argibideak...

Liburuak:

• "LEGO Software Power Tools, Including LDraw, LPub, LPub, and LSynth"
• "Virtual LEGO®: The Official LDraw.org Guide to LDraw Tools for Windows".

Eskuliburuak:

• MLCADen gida gaztelaniaz eta frantsesez
• Nightsolo's LEGO Section: LDraw-ek eskaintzen dituen piezen katalogoa PDF, MS Word eta HTML formatoetan.